قـٌلـنا حٌــوشـٌـوا
مابيحـٌـوشــٌـوش
قــٌــلنـا فـــُوقـــُوا
بــس هُـمَّـه
سكـرانـيـن و لابيفــوقـوش
قلنــا بكـرا المـوت يـجـــيـهم
هوَّ سـهم المـوت نـاسـيـهـم
ولاَّ هــمـه مـابيمـوتــوش
****
أمـة بـتـئـن ف جـراحـهـا
وهـٌمـَّة مـالـيـيـن الـكـروش
أمـة مطـعـونـة ف شـرفـهــا
وهــمـه شـاغـلاهـم مـنـاصـبـهـم
وتـثـبـيـت العـــــروش
اللي إختـشـــــوا مــاتــــــوا
وفضـلوا اللــي مايخــتـشـــوش
****
إصحــي يـا أمـة عـظـيـمــة
وغــيـِّري كـــل الـوشــــوش
الريـــاح الســــودة هابَّـة
وجـــايـة جـــايـبـة معـاهــا نــار
وســــيـل مـن الــدم النــقـي
ومـركـبـة تــشــيـل النـعــوش
إصــــحـي يــا أمـــةعـظـــيـمــة
راجـــعـــة حــمـلات الـتـتـار
تســــلب ف خــــيــرك ....
وطــــيـــرك
حــــايــر وبــــَّره الـمـــدار
****
إنـــتــي يا أمـــة أبــيـــة
يـــاعـظـــيـمــة يـاغــــنـيـة
يــامـُـلـهـمـة وفـــاجـــرة وتـقـيــة
للـــغــزاة فـاتـحــــة بـيـبـانـــك
وعـــلــي اولادك عــصــيـِّـة
آدي غــربــانـهـم بـتـنـعـق
وإنتي بتغني السلااااااااام
ياسلاممممممممممممم
****
أمــتــِّي أمــيـِّةخـــالـص
أمـــتــي مافــيهـــاش
ولا فرد خـالـص
اللـــي بايع نـص أرضــــه
واللي بيـتـاجــر فــي عــرضــه
واللي خــاينـهــا وحـــاكـم
واللي محكوم قهره كاتم
أمـتـِّي مـاعـرفـشـي مـالـهــا
لاليها طعم ولاحتي لون
مرة يحكمها العجم
من كل جنس وكل لون
ومـرة يـحـكـمـهــاالـطـغــــاة
اللــــي فـــاتـحــينـهـــا
سـجـــون
سكوووووون
****
يا أمــة ياأبــيِّـة
تـاهــــت كــل المـــراكــب
وغــــرقـنــا فــي شــبـرمـيـَّة
لمي عـــيــــالك ويــلــَّلا
شــــوفـي بـاقي كــم ضـحـيــة
راحــــت عـكـــا ويــافــا
وآدي بغـــداد ســبـِيــِّة
وبكـــــرة جــــاي جــــاي
سكة مافيهاشي ضي
حيغيّروا التــاريــخ
ويبـِّدلـواالملامـح
والسِّم يقــولــوا سكــَّر
والسكر يبقي مالح
والبنت تشيل حجابها
والواد يمشي وشالح
وكلها مصالح
وستايرللعروش
أهجم يا عم بوش
يامُضحـِك يا بـَشــُوش
وابدر في الارض جيشك
يطرح زرعك نعوش
مين اللي راح يحوش
آآآآآآآآآآآه ياولادالجحوش
اللي شمتان في جاره
واللي نعلك يبوس
واللي راكب حماره
واللي واخد لبوس
واللي عامل معلم
وعلي عياله جاسوس
واللي أهبل عبيط
واللي شكل الجاموس
واللي محمي ف مراته
واللي حامياه فلوس
وإحنا بس الغلابة
اللي كــلــْنــَا الناموس
يوم نحلم بالرغيف
والليل نشبع كابوس
والشاطر اللي يهرب
وعلي أهله يدوس
يا ويلي من دي امة
مالهاشي أي ناب
ولا معني في القاموس
****
يا ويلي من دي أمــَّة
وياناري من داشعب
أمة ناقصها همة
وشعوب محتاجة ذمـَّة
وطريقها بادي صعب
بطـَّلـْنـــَا حـتَّي نحلم
عشان في الحلم رعب
يعني مكتوب علينا
يمشي بينا التاريخ
وإحنا نصرخ ياهووووووه
الأخ عاوزأخوه
والواد يعرف أبوه
واللي يزعل نضمه
واللي يشرد نلمه
لكن نشكي لمين
والليل غرقان في دمه
قال المغني كلمة
عزَف الناياتي آه
رقصت خيل التتار
ملِّ العاشق غـــُناه
كله زايل يا صاحبي
والضيم ياخد مداه
وأنابتغطَّي بقهري
وشكوتي لله
الاثنين ٢٦ أيار (مايو) ٢٠٠٨
