الأربعاء ١٦ أيلول (سبتمبر) ٢٠٠٩
بقلم محمود إسماعيل صالح محمد

إنسان وخلاص

لو هاتعيش إنسان وخلاص
من غير نبض ولا إحساس
إيه يفضلك بعد ما قلبك أصبح عبرة لكل الناس
دمعه بيكتبوا فيه دواويين
ناس لايمين وناس حاسدين
واللي بينصح عمال يجرح
كل كلامه رصاص فى رصاص
عاش فى عنيك الحب غريب
حبيت قلب مالوهش حبيب
عشت لوحدك أوهام حبك
حب مزيف مالو أساس
إياك ترضى بذل النفس
وتفضل عايش من غير حس
قوم واتكلم واوعى تسلم
اوعى تطاطي أو تنداس
حب وضاع وكإنه ما كان
حب مالوش غير فى الأوهام
والنداهة اللى اداها القوة أكيد شيطان خناس
لو هاتعيش إنسان وخلاص
من غير نبض ولا إحساس
إيه يفضلك بعد ما قلبك أصبح عبرة لكل الناس

أي رسالة أو تعليق؟

مراقبة استباقية

هذا المنتدى مراقب استباقياً: لن تظهر مشاركتك إلا بعد التصديق عليها من قبل أحد المدراء.

من أنت؟
مشاركتك

لإنشاء فقرات يكفي ترك سطور فارغة.

الأعلى