أهل الجيرة

أهل الجيرة ليه الحيرة

ظلم الغاصب واضح لينا

ليه ساكتين عن كل جريمه

مش حاسين ولا احنا نسينا!

ليه بنشحت أمن الفاجر

ليه نسمحله يخادع فينا!

ليه يتحكم سفاح ظالم

خاين العهد سهامه علينا

عمر الغاصب ما بيسمعنا

ولا هيمد إيديه بإيدينا

شدوا الهمة وقولوا بصوتكم

يللي حبستم أقصى نبينا

يللي ظالمتم يللي قطعتم

كل طريق للسلم يجينا

بكره نياب القطه تطولكم

بكره ذئابكم تخضع لينا

سيف الباطل من أحلامكم

عمره ما يجرح إصرار فينا

قولوا لأهل الأقصى عشانكم

بكرة هنروي الأرض حنينا

بكرة هيرجع حقنا بنكم

والعزة ترفرف حوالينا

أهل الجيره لِمُّوا جراحكم

واتجمَّعوا صوت واحد لينا

قوموا بحول الله وإخلاصكم

لبوا نداء الأقصى علينا