" الحلم الممنوع "

بنصرُخ صوتنا مُش مسموع

ونتألم

وينطق قلبنا الموجوع

ويتكلم

تخاف الناس وتستعجب

وفجأة تغير الموضوع

ما تتعلم

ويصبح صمتهم مطبوع

وبيسلم

على الحق اللي كان مخدوع

ويتضلم

طريق العدل بـهروبهم

وخوفهم لو يقيدوا شموع

وشوك الظُلم فـ دروبهم

من الطيبة بقى مزروع

وحِلم الضحكة فـ قلوبهم

من الأحزان بقى منزوع

ونـرجع تاني م الاول

ونلقى الظُلم بيـطّول

وسِكتنا ما فيها رجوع

وقُضبان الزمن حّول

فـ سِكة حِلمنا المشروع

ورؤيا الشعب تتأول

بإن الحـلم بات ممنوع