الثلاثاء ١٠ شباط (فبراير) ٢٠١٥
بقلم بدعي محمد عبد الوهاب

أنا لسه نونو

إهداء إلي كل طفل عربي
في زمنٍ اغتيلت فيه بسمة أطفال العرب
...
بالراحة يا ماما
بالراحة عليَّا
أنا لسه نونو
بالراحة يا ماما
إمشي شويَّة شويَّة
 
مرَّة كنت ماشي
ماما ماسكة إيديَّا
شوفت بعيني قطة
بتشاور عليَّا
قلت يا ماما شوفي
شوفي القطة ديّه
أنا ماشي ف حالي
مالها يا ماما ومالى
مالها هيَّ بيّا
 
قامت ماما قالت
سيبك منها وامشي
دي قطة شقيّه
شدّت ماما إيدي
بالراحة يا ماما
بالراحة عليا
أنا لسه نونو
بالراحة يا ماما
امشي شوية شوية
...
شوفي يا ماما البطة
ماسكة ف إيدها شنطة
فيها فار بيغنِّي
جاى بيقرَّب منِّي
عاوز يمسك إيدي
حوشي يا ماما عنِّي
 
شدّت ماما إيدي
بالراحة يا ماما
بالراحة عليَّا
أنا لسه نونو
بالراحة يا ماما
امشي شوية شوية
...

أي رسالة أو تعليق؟

مراقبة استباقية

هذا المنتدى مراقب استباقياً: لن تظهر مشاركتك إلا بعد التصديق عليها من قبل أحد المدراء.

من أنت؟
مشاركتك

لإنشاء فقرات يكفي ترك سطور فارغة.

الأعلى