الجمعة ١٢ شباط (فبراير) ٢٠١٦
بقلم بدعي محمد عبد الوهاب

اهداء إلى البطل ( محمود الكومي )

مليون سلامه
للّي ضحّى واللّي صحّى
جوّه منّا الإبتسامه
مليون سلامه
 
جايه ليك نسمة عبير بتقول بحبّك
وشوقنا ليك أكبر علامه
مليون سلامه
 
راح نشيل الجرح منّك
لو بإيدنا
راح نقولها بأعلى صوتنا
روحنا مِلْكك لو بإيدنا
مصر عارفه إنّك ولدنا
وانت زادنا
مصر عارفه إنّك هتبقى
نور حياتنا
 
شوفت مصر اليوم يا ( كومي ) ؟
قاعدة تحكي
مرة تبكي
ومرة تصرخ ( كومي ) نبضي
ومره تحلف بيك وتهتف
( كومي ) ابني وسيف لعرْضي
 
شوفت مصر اليوم يا ( كومي )
واقفه ليه ؟
نفسي أسمع كلمه منّك
مصر أمّي عايزه إيه ؟
 
عايزه ترجع ليها تاني تصون شرفها
عايزه سيفها
عايزه كلمة حق تُخرج من كتافها
عايزه قوّه
يعني مصري يكون فتّوه
يحمي نيلها
وابن برّه وابن جُوّه
 
شِد حِيلك
مصر واقفه تقول هجيلك
ماسكه ف ايدها زاد ف طرْحه
والعيون مليانه فرحه
وبرصاصة غدر نسمع
صوت وصرخه
ناس بتهتف يالا قومي
مصر تصرخ سيب هدومي
نفسي ألحق ابني ( كومي )
نفسي أحضن ابني ( كومي )
نفسي اقابله بابتسامه
نفسي أقول مليون سلامه
...

أي رسالة أو تعليق؟

مراقبة استباقية

هذا المنتدى مراقب استباقياً: لن تظهر مشاركتك إلا بعد التصديق عليها من قبل أحد المدراء.

من أنت؟
مشاركتك

لإنشاء فقرات يكفي ترك سطور فارغة.

فيسبوك منبر حر للثقافة والفكر والأدب
تويتر منبر حر للثقافة والفكر والأدب
الأعلى