الاثنين ١٧ تشرين الثاني (نوفمبر) ٢٠١٤
بقلم أسامة جودة

شجرة الولى

كان يا ماكان ايام زمان كان فى بلدنا فى كل حتة ميدان وفى الحارة قاعد راجل عجوز غلبان حلمه صغير انه يكون انسان ولوحتى بدون عنوان
الاسم عبد الله وعنده من العيال 7 غلمان محمد واحمد وحسن وحساان موسى وعيسى وعمر ابوالشجعان
عايش يربيهم برحمة ومودة بعطف وحنان راجل بسيط مقضى نص عمره جعااانمن الجامع لبيته لشغله فى الدكان
دايما نشيط وفـشغله عمره ما كان كسلان البسمة تنور وشه مقلش مرة انا زهقان متوكل على الله ومؤمن فى ربه عشمان
امنيته ربه عليه يرضى وميكنش غضبان بس عشان هو بردو بنى ادم اكيد ساعات بيكون غلطان او حتى حيوان
مره قال لابنه الكبير ارسم ولون على الجدران رسم الولد شجرة وحمامة وسيف على ميزان وكتب كلمتين تحتيهم كلهم اشجان بصراحة صنع الولد حالة تحرك الوجدان مين بقه شافه ؟ الواد حمدان الفتان وبسرعة جرى صاحبنا ع السلطان
وقعد يحكى ليه قصص اشكال وألوان فبسرعه بردو طلع أمر للسجان بسرعه ياخد الولد يحبسه فى الزنزان
ولما عرف أبوه قال منش حزنان لا كنت عايزه نبى ولا فارس من الفرسان انا بس عايزه يكون انسان فى قلبه ذرة إيمان
ولأن عنده ثقة فى ربنا الرحمن كان عارف ان ابنه هيطلع من محبسه فى أمان عشان يلم اخواته ويطلعوا على الميدان
ويقولوا كلام كبير كلام بجد مش هذيان يسمعوا بيه العيل فى بطن امه والميت فى قبره كمان وتصير حكايتهم حكاية تعدى البحر والشطآن وتوته توته فرغت الحدوته دعواتكم لينا بقه يا جدعان !!


أي رسالة أو تعليق؟

مراقبة استباقية

هذا المنتدى مراقب استباقياً: لن تظهر مشاركتك إلا بعد التصديق عليها من قبل أحد المدراء.

من أنت؟
مشاركتك

لإنشاء فقرات يكفي ترك سطور فارغة.

الأعلى