بتفكر

بتفكر تكتب أُغنية

بتفكر تكتب مرثية

بتفكر ترسم أشـعار

بتفكر تلعب يوم كورة

بتفكر تبقى الاسطورة

ولا عُمرك تاخُد إنـذار

بـتفكر تطربنا بصوتك

دا مشوش ومبين خوفك

وتقطع بإيديك أوتار

بتفكر حتى فـ تمثيل

تصبح معبود الجـماهير

وتمثِل أكبر أدوار

بتـفكر تصبح دكـتور

والكشف دا عندك بالـدور

ويزيد فـ عيادتك زوار

بتفكر تصبح إعلامي

وتخبّي حقايق قُدامي

وتعلي ما بينا الأسوار

بتفكر تبقى فـ يوم مُخرج

من أرضي البور تقدر تِخرج

فـي مشاهد عاريه وأفكـار

بتفكر تبقى فـ يوم عالم

وفـ عز العتمة تكون حالم

وتحل العُقدة بمُنشـار

بتفكر تبقى إمام جامع

وبتُخطب وماحدش سامع

وبتِدعي كمان ع الكُفـار

بتفكر تبقى فـ يوم ضابط

وبعرض الحيطه تكون خابط

كُل اللي يحاول إنكـار

بتفكر تمسك يوم منصِب

تسرق وتهلِّب أو تُنصب

وتبيع الوهم بقِنطار

بتفكر يوم تصبح ريس

فـ عقول الشعب دا بتكيّس

ويقولوا: زعيم الاحـرار