مـُـش عــايز

قربت أتجنن وأدور

على عتمة فــ حضرتها أتصــور

وأتمـنى أنا شمعة أحلامي

أحـرق فيـها اليأس وأنــور

وبدور على شارع فاضي

مُش فاتح بلكون ع الماضي

مُش عايز أبداً أتعـذب

بالحُزن ويتـعين قاضي

بيحاكم قلبي أنا فـ البـسمة

وبيسرق من عُمري النِسمة

وبيعدم أفراحي فـ يومي

دا مقدّر ولا دا كان قِسمه !

مُش عايز أبداً أتـألم

مُش هسكُت تاني وهتكلم

وهحارب فـ مشاعر خاينة

بتفوت الأحلام وتسلم

مُش عايز حلمي فـ أشعار

وأنُط عـشانـه الأسـوار

أنا عـايز حلمي يـكون جنة

أقابلها فـ أخر المــشوار