الأربعاء ٦ آب (أغسطس) ٢٠٠٨
بقلم
غـش × غـش
عمرك مره مشيت عريان فى الشارع؟!!مش م الهدوم.. لأ..م الوشوش!!م الرتوش اللى بترسم بيها كل لحظه قناع جديدمره بشرف.. مره بقرفمره بتعالى.. أو خصاممره حزين.. مره بشوشعمرك جربت تروح الشغل بوشك بس..من غير ما تحس إنك عريان..إنك خجلان م الناس لتشوفك مره على طبيعتك من غير ألوان!!عمرك جربت تبص لروحك.. جوه الروحمن غير ما تلاقى شروخ وجروحمحتاج تداريها بمليون وشغش × غشهى حياتك كده بصراحه غش × غشطول ما أنتش قادر تظهر بطبيعتك وسط الناسطول ما أنتش قادر عَ البوحطول ما أنتش قادر عَ النوحطول ما أنتش قادر على ضحكه تكون م القلبمسكين..عايز ترضى الكل على حساب روحكعايز البسمه – رغم جروحك –تفضل مرسومه على الوش.. ولو بالغش!!مش قادر لحظه تعيش..من غير ما تبدل كل دقيقه لوشك وش!!اتعودت خلاص على عيشتك بالألوان..وبقيت فنان..فى الرسم.. وفى النحت وفى النقش!!مليون رسمه بمليون وش!!أصل حياتك كده بصراحهغش × غش