برواز لصورة مؤلمه

يوم بدرت الاحزان

جوّه القلوب كانت

حباتها خوف .. صاحى

يكنز حقيقة رعبها

ويلفها...

تـــوب الســـكــوت

يوم بدرت الاحزان

كــــان...

شاهد أخيرعلى قبر

عــنــوان..

بموت إنــســـان

* * *

صــمــتك ملوش صوره

بلا ملامح تترســــــــــم

او شكل..اوعنــــوان

رضيت تموت مجهول

رغم إنك إنت ف الخفا

كنت العلن

رغم إن قلبك فى البرية

ســـاع ..وطــــــن

رغم أن عمرك كان لحق

وكان

تمن

* * *

رضيت تموت مجهول

زى ضىّ المجد ..لما ينطفى

زى ومضة روح..بتيجـــى

وتختفى

زى حــــــلـــم جـــــمــيــل

رضيت تموت مجهول

* * *

البيوت فارقت خطاها

البيبان سانده على جدارن

بكاها

والشوارع دبلت

جالها ليل مزمن على هيئة سفر

معشقش نجمه مزهزهة

ولا صار غناوية القمر

يحكى ف أخر نبضة قلبك

حسها

وباسمها

كان يعلن الترحال

* * *

الوشوش مرت كحلم

طبعت ملامحها بدم

فوق لوحة تعتب ع العيون

إللى بتشهد نحرها

وف سرها

مكنتش هيه الملهمة

برواز لصورة مؤلمه