سرسبت من قلبي الوجع
طويت جروحي تنزفك
شوّهت من اسمي الحروف
وبقيت على اسمك .. صدى
يا هلترى
لمّا الدموع نَزفت على فجر الرحيل
كان قلبي شرقان للدفا .. ؟
.....
....
وكام حلمت إني التقيك
لكن نهار الخلق ييجى يموتك
ويبعتر الصوره
اللي فاردها اشتياق ...
بمحبك
صوتي اندبح
من قولك الحكمه اللي تاهت
جوّه منى تنشدك
ريق السواقي م فوق غيطان القلب
نازل .. يرسمك
حاطت على شرياني
من كُمك حرف
ويضُمك الحالم
على دراعك لا زال
دمك بيجرى
جوّه منّه يكملُه
و لا كنت بأشعر معنى خوف
أو ليل بضلمه
يعدى من جنب الكتوف
ولا عمري أشوف
عفاريت سكاتى بتلهبك
عدوده .. للفجر اللي جاى
الجمعة ٢٠ آذار (مارس) ٢٠٠٩
