مين يا بلادي وداني
بلد تاني
بحصان مزروع في حدوته
ما انا كنت صغير
كمي قصير
عقلي كبير
دلوقتي يا قلبي
حزني طويل فوق المناديل
طايش و انا لسه يا بلدي صريح
زي المجروح بسنابل قمح
و ليه يا بلادي تديني
رغيف رصاص بدل تيني
و انا لسه ما خدتش تمن القمح
و اتخصخص قلبي
و اتحول عقلي
سكون في كلام مربوط بحروف الجر
و انا لسة يا بلدي
في غيط القمح
بقتل أفكاري و ألملم جوعي فوق القش
افتكر المية و طبق الفول .... و العش
و انام تعبان عرقان غرقان من كتر الغش
و اتقولي شباب
صحرا و اكلاب
ما هو قلبك زي المية و زيي
لا بخاف و لا اكش
يا بلدي خدينا فوق القضبان
قضبان القطر
يمكن نوصل قبل العصر
بس قوليلي يا بلادي
مين وداني
بلد تاني
و أنا لسة يا بلدي ما إركبتش قطر
و ليه يا بلادي تديني
رغيف رصاص بدل تيني
و انا لسه ما خدتش تمن القمح
يا ابلادي عارفة اللمة ساعة العصر
عارفة اخدودي الوردي ساعة الصبح
عارفة النومة في حضن و حضن
عارفة التوهة يوم العيد
عارفة الغربة رغم الصحبة و الإيد في الإيد
عارفة اخواتي لما يفارقوا صلاة الضهر
و لا النشرة بعد الوتر
عارفة الولعة لما اتنور بحريق الخص
و لا الغمة لسة جوة الحوت في البحر
ما انا يا ابلادي غلبان القصر
الاثنين ٨ تشرين الأول (أكتوبر) ٢٠٠٧
