لقاء

 
 
على مقهى الطلبة في مدينة الزقازيق عاصمة محافظة الشرقية بجمهورية مصر العربية كان التعارف بين عبد الحليم حافظ و الشاعر صلاح عبد الصبور فخلال جلوس الشاعر مرسى جميل عزيز مع عبد الحليم حافظ على المقهى حضر الشاعر صلاح عبد الصبور وجلس معهما وفى ختام الجلسة طلب عبد الحليم حافظ من الشاعر صلاح عبد الصبور أغنية يتقدم بها للإذاعة واخبره أن صديقه الموسيقار كمال الطويل سوف يلحن الكلمات.. وكانت قصيدة (لقاء) المكونة من 14 بيتا وعند التلحين والتجهيز أختار منها الموسيقار كمال الطويل ثمانية أبيات فقط ولحنها وسجلها عبد الحليم حافظ وفي عام 1953 إذاعتها الإذاعة فاحدثت قبولا حسنا عند محبي الغناء ومهدت الطريق لنجاح وشهرة عبد الحليم حافظ.. وتقول كلمات القصيدة:

بعد عامين التقينا ها هنا

و الدجى يغمر وجه المورد

وشربنا النور يخبو حولنا

وسبحنا فى هلال الموكب

وانتهينا وتبعنا ظلنا

دمعنا ينطق واللحظ رضى

آه لو تدرين ما أكتم في دمي

يا واحة المفترق

كانت الذكرى عزائي زمنا

يوم فارقت زماني نفحات

كنت أودع قلبي الشجنا

أتعزى في ليال ذكريات

وتعللت بفجر قد دنا

يطلع الشمس نور سمات

ثم هنا نحن التقينا ها هنا

والدجى يغمر وجه المورد

لست أنساك غراما في دمي

ومنى عمري وآمال غدى

وصباحا نام في المبتسم

وشعاعا فتنه المتقد

يا غرامي في الطريق المظلم

يا غرامي خالدا للأبد

في عيوني فرحة مشرقة

والدجى يغمر وجه المورد

والشاعر محمد صلاح الدين عبد الصبور يوسف الحواتكى من مواليد الثالث من شهر مايو عام 1931 بمدينة الزقازيق عاصمة محافظة الشرقية بجمهورية مصر العربية

فى عام 1947إلتحق بكلية الآداب جامعة القاهرة قسم اللغة العربية وفيها تتلمذ علي يد الشيخ أمين الخولي الذي ضمه إلى جماعة الأمناء التي كوّنها ثم إلى الجمعية الأدبية التي ورثت مهام الجماعة الأولى وكان للجماعتين التأثير الكبير على حركة الإبداع الأدبي والنقدي في مصر

فى عام 1951حصل صلاح عبد الصبور على الليسانس وعمل فترة بالتدريس والصحافة ووزارة الثقافة و آخر منصب تقلده رئاسة للهيئة المصرية العامة للكتاب.
ساهم صلاح عبد الصبور في تأسيس مجلة فصول للنقد الأدبي ويعد من المؤثرين في كل التيارات الشعرية العربية الحداثية.

يعد ديوان (الناس في بلادي ) الذى صدر عام 1957 أول المجموعات الشعرية للشاعر صلاح عبد الصبور وأول ديوان للشعر الحديث أو الشعر الحر و استلفت أنظارَ القراء والنقاد فى ذلك الوقت نظرا لفرادةُ الصور واستخدامه المفردات اليومية الشائعة وثنائية السخرية والمأساة بالإضافة لإمتزاج الحس السياسي والفلسفي بالمواقف الاجتماعية النقدية الواضحة... ومن مؤلفات الشاعر صلاح عبد الصبور نذكر أيضا:

ديوان أقول لكم الصادر فى عام 1961 وديوان أحلام الفارس القديم عام 1964 وديوان تأملات في زمن جريح عام 1970 وديوان شجر الليل عام 1973 ثم ديوان لإبحار في الذاكرة.. وأما مؤلفاته المسرحية فهى: مأساة الحلاج 1964 و مسافر ليل 1968 والأميرة تنتظر 1969 وليلى والمجنون 1971وبعد أن يموت الملك 1975
وفى مجال النثر نذكر مؤلفاته: على مشارف الخمسين و تبقي الكلمة و حياتي في الشعر و أصوات العصر _وماذا يبقى منهم للتاريخ و رحلة الضمير المصري وحتى نقهر الموت وقراءة جديدة لشعرنا القديم ورحلة على الورق.
في شهر أغسطس عام 1981 رحل الشاعر صلاح عبدالصبور إثر تعرضه إلى نوبة قلبية حادة بعد مناقشة كلامية ساخنة مع الفنان الراحل بهجت عثمان في منزل صديقه الشاعر أحمد عبد المعطي حجازي وقد كان الشاعر صلاح عبد الصبور فى زيارة لصديقه الشاعر أحمد عبد المعطى حجازي بمناسبة عودته من باريس.

والملحن الموسيقار كمال الطويل اسمه كمال محمود زكي الطويل ولد فى الحادى عشر من شهر أكتوبر عام 1922في محافظة القاهرة وفى عام 1940حصل على دبلوم الفنون.. قسم الزخرفة.. وعمل رساما فى وزارة الشئون الاجتماعية ودرس فى المعهد العالى للموسيقى وتخرج عام 1949 وعمل فترة فى التفتيش بوزارة المعارف ( التعليم) و تسلم مسئولية الموسيقى والأغاني في الإذاعة المصرية عام 1950 وكان يقدم برنامج عالم الموسيقى في الإذاعة وفى عام 1951حصل على شهادة معهد الموسيقى العربية أما علاقته بالتلحين فقد بدأت خلال دراسته في المعهد ولحن لنخبة من المطربين والمطربات وبلغت ألحانه لزميله وصديقه عبد الحليم حافظ ( 56 ) ونذكر على سبيل المثال: بتلوموني ليه وحلفني وفي يوم من الأيام وأسمر ياأسمراني والحلو حياتي وفي يوم في شهر في سنة وسمراء يا حلم الطفولة وعلى قد الشوق وبيع قلبك وجبار وقولوله الحقيقة وبعد إيه و هى دي هى وكفاية نورك على وصدفة وبيني وبينك إيه واللي انشغلت عليه وحبيب حياتي ونعم ياحبيبي نعم وجواب وراح والحلوة وبلاش عتاب وإحنا الشعب وبالأحضان ومطالب الشعب والمسؤولية وياأهلا بالمعارك وصورة وحكاية شعب (السد العالي) وأحلف بسماها وبالدم وإنذار و اضرب اضرب وبركان الغضب وإبنك بيقولك يابطل وصباح الخير يا سينا وبستان الاشتراكية و بلدي يابلدي و خلي السلاح صاحي.

فى عام 1955 لحن لأم كلثوم أغنية (لغيرك ما مددت يدا ) وفي عام 1956 قدم أقوى وأشهر ألحانه لها وهو نشيد (والله زمان يا سلاحي) والذي أصبح النشيد الوطني لمصر حتى عام 1971

يعد هذا النشيد مع نشيد (الله أكبر ) للمجموعة وتلحين محمود الشريف.. ونشيد (دع سمائي) لعلى إسماعيل وغناء فايدة كامل.. ضمن أقوى ثلاثة أعمال في تلك الفترة.. فقد ساهمت الأناشيد في رفع الروح المعنوية للجماهير وتعبئتها ضد العدوان الثلاثي.

لحن الموسيقار كمال الطويل النشيد الوطني لدولتى الكويت وموريتانيا وحصل على العديد من الجوائز والأوسمة ونذكر منها على سبيل المثال:

وسام الجمهورية للآداب والفنون من الدرجة الأولى من الرئيس جمال عبد الناصر وفى عام 2002 حصل على جائزة الدولة التقديرية في الفنون.. هذا بالإضافة إلى حصوله على جائزة الموسيقى التصويرية والتى ألفها لفيلمى المصير والعاصفة وأيضا لموسيقاه عن مشوار نجيب محفوظ و الفيلم الوثائقي نغم عربي.
فى مساء الأربعاء التاسع من شهر يوليو عام 2003 أعلنت عقارب الساعة رحيل الموسيقار كمال الطويل إلى الدار الآخرة.
 
أما المطرب عبد الحليم حافظ فاسمه الحقيقى عبد الحليم علي إسماعيل شبانه وهو من مواليد الحادى والعشرين من شهر يونيو عام 1929 في قرية الحلوات التى كانت تتبع مركز ههيا وحاليا تتبع مركز الإبراهيمية بمحافظة الشرقية بجمهورية مصر العربية وفى الثامن والعشرين من شهر يونيو عام 1929 توفيت والدته وفى الرابع عشر من شهر مايو عام 1934 توفى والده وعاش هو وأخوانه فى بيت خاله متولى أحمد عماشة بمدينة الزقازيق.

فى عام 1943 التحق عبد الحليم حافظ بمعهد الموسيقى العربية.. قسم التلحين.. و التقى بالفنان كمال الطويل الذى يدرس في قسم الغناء والأصوات وتخرجا معا فى عام 1949 ورشح عبد الحليم للسفر في بعثة حكومية إلى الخارج ثم الغى سفره لأسباب لم يعرفها.

أشتغل عبد الحليم حافظ بالتدريس ثم قدم استقالته والتحق بفرقه الإذاعة الموسيقية عازفا على آلة الأبواه وذلك فى عام 1950 وبعد عام تقابل مع صديقه ورفيق عمره مجدي العمروسي في بيت الإذاعي فهمي عمر.

يعد الإذاعى حافظ عبد الوهاب هو المكتشف والمعطى فرصة الغناء لعبد الحليم ولذا حمل عبد الحليم اسمه واشتهر بعبد الحليم حافظ.

فى عام 1956 كان عبد الحليم من المدعوين الصائمين فى شهر رمضان للافطار عند مصطفى العريف فأصيب عبد الحليم بنزيف في المعدة.. وبرغم معاناة عبد الحليم حافظ من المرض لكنه أنطلق فى دنيا الفن والغناء وقدم مئات الأغنيات الوطنية والعاطفية والدينية ولقب بالعندليب الأسمر ومطرب الشباب كما قدم للسينما المصرية والعربية ستة عشر فيلما سينمائيا هي:

لحن الوفاء عام 1955 وشاركه البطولة شادية و حسين رياض وفى عام 1955 عرض له فيلم أيامنا الحلوة وشاركه البطولة فاتن حمامة و عمر الشريف و أحمد رمزي... كما عرض أيضا فيلم ليالي الحب وشاركه في البطولة آمال فريد و عبدالسلام النابلسي بالإضافة لفيلم أيام و ليالي والذى شاركه بطولته إيمان و أحمد رمزي و محمود المليجي وفى عام 1956 عرض فيلمه موعد غرام وشاركه البطولة فاتن حمامة و عماد حمدي و زهرة العلا و رشدي أباظه وفى عام 1956 عرض فيلمه دليلة وشاركه البطولة شادية و فردوس محمد ويعد هذا الفيلم أول فيلم مصرى ملون بطريقة السكوب وفى عام 1957 كان فيلم بنات اليوم وشاركه البطولة ماجدة و آمال فريد و أحمد رمزي ثم فيلم الوسادة الخالية وشاركه البطولة أحمد رمزي و زهرة العلا و لبنى عبدالعزيز و عمر الحريري
 ثم فيلم فتى أحلامي وشاركه البطولة آمال فريد و عبد السلام النابلسي وفى عام 1958 عرض فيلمه شارع الحب وشاركه البطولة صباح و عبد السلام النابلسي و حسين رياض وفى عام 1959 عرض فيلمه حكاية حب وشاركه البطولة مريم فخر الدين وعبد السلام النابلسي ومحمود المليجي وفى عام 1960 عرض فيلمه البنات و الصيف وشاركته البطولة سعاد حسني وفى عام 1961 عرض فيلمه يوم من عمري وشاركه البطولة زبيدة ثروت و عبد السلام النابلسي ومحمود المليجي وسهير البابلي وفى عام 1962عرض فيلمه الخطايا وشاركه البطولة عماد حمدي و حسن يوسف و نادية لطفي ومديحة يسري وفى عام 1967عرض فيلمه معبودة الجماهير وشاركه البطولة شادية و فؤاد المهندس ويوسف شعبان وفى عام 1969 عرض آخر أفلامه أبي فوق الشجرة وشاركه البطولة عماد حمدي وميرفت أمين ونادية لطفي.

فى عام 1973 قدمت الإذاعية المسلسل (أرجوك لا تفهمني بسرعة ) بطولة عبد الحليم ومعه نجلاء فتحى و عادل إمام ومن إخراج محمود علوان ثم توقفت إذاعته نظرا لإنداع المعارك بين مصر وإسرائيل فى العاشر من رمضان 1393 هـــ الموافق للسادس من شهر أكتوبر عام 1973

قدم عبد الحليم حافظ مئات الأغانى العاطفية والوطنية والدينية وأطلق عليه مطرب الثورة والعندليب الأسمر ومطرب الشباب.

فى يوم الأربعاء الموافق للثلاثين من شهرمارس عام 1977 توفى عبد الحليم حافظ وهو يعالج في لندن وتم تشييع جثمانه في جنازة مهيبة لم تعرف مصر مثلها سوى جنازة الرئيس المصرى الراحل جمال عبد الناصر فقد شيع العندليب الأسمر ومشى في جنازته أكثر من 250000 من المواطنين...

وقد رثاه الشاعر السيد عوده الأطرش بقوله:

ياعندليب الطرب

صوتك الحلو

غايب عن ليالينا

ولاعادش غير الصدى

يسرى يبكينا

واحترنا نبكى عليك

والا على روحنا

وانعزى فيك الطرب

والا يعزينا؟

ياعندليب الطرب

لسه المكان خالى

واسمك اللى ارتفع

لسه مازال عالى

ومين هايقدر يطوله

فى وقتنا الحالى؟

دا المجد عايز جهود

وكفاح وتضحية

وطالب المجد يدفع له

الثمن غالى

بعدك اغانى الطرب

مااعرفشى راحت فين

والكلمة لونها انخطف

مبقتشى تملا العين

والغنوة صبحت

بتتخبط مابين شطين

وساعة تغرق

وساعة تقب من تانى

ومهما تلمع

بترجع تنطفى فى يومين؟

بكل تأكيد اصالتك

لسه موجوده

وشجرة الفن

لسه جذورها ممدوده

ولسه فاضل اساتذه

بس محدوده

وفيه مواهب كتير

عايزه اللى يرعاها

وفيه قضية

ولسه الجلسة معقودة

وفى عام 2008 نشرت مجلة الكواكب قصيدة للشاعر الكبير عبد الرحمن الأبنودى قال فيها:

فينك ياعبد الحليم؟

فين صوتك اللى كان فرح وهموم

اللى طلع من قلبك الشايف

حالف يعيش ويدوم

فى زمن.. فى غدره كريم؟

فينك ياعبد الحليم؟

فينك ياأحلا من يغنى الفراق

تيجى تغنى زحمة الشهداء

والدم فى فلسطين

وفى لبنان

وعلى توب العراق؟

الموت صبح ساهل

واحنا اللى نستاهل

ألهنا على روسنا الذليلة

كل شيطان رجيم؟

فينك ياعبد الحليم؟

فينك يازارع الحلم

بعد الحلم..

بعد الحلم..

الحلم شارب سم

الدنيا ليل

مكون بريح وغيوم

ولاحد سامع صرخة المظلوم

ولاأنة المهموم

الدنيا منتظرة صوتك

ليه رحلت قوام؟

ضاقت مساحة الكلام

بساتين من الأحزان

والشوك..

مازال يوعد بصبحة ورد

الشوك خسيس..

عمره مايوفى بعهد

الشوك _ كما تعرف _

خبيث.. خوان

كانه فجر أعمى..

ماشافشى ادان

وكل صبح جديد

بحزن قديم

فينك ياعبد الحليم؟

ولاعاد حبيب ينضم

ولا عبير ينشم

ولا ضحكة ملو الفم

هربت ليه ياعم؟

مش كنت تنتظر الليالى الهم

ملونه فلسطين بلون الدم

وتقيم بأحلا صوت صلاة الصبح

حتى لو الأمة صلت دون ماواحد

أم؟

والضحكة.. أناتنا.. إذا تتلم

قابض على الحلم الشهيد.. باليد

وكل مانشد الأمل.. ننشد

الكل راحل

والجناح منحول

فى غربة

تقتل قلبنا المقتول

واحل فى صوتك

أحلا ماف صوتى

ورحل بموتك..

أحلا مافى موتى

هاربة الحدود

وبيطاردها الحد

الأغتصاب

مالوش حدود ولاحد

كله بيرحل

من دموع الخد

للشهدا

نايمين ع الكتاف فى كل برد وشرد

أبدان..

بطول حزن الحياة.. تتمد

صوت البيوت الطيبة.. بتتهد

صرخة وليد اخضر

صرخها.. بجد

الطيارات

الحراتات

الجرافات

تقتل تاريخ الأرض

والحزن

خيط ضى الأسى الممتد

الحزن صاحب حميم

فينك ياعبد الحليم؟

فيننا إحنا ياعبد الحليم دلوقت؟

مين اللى قتل التانى فينا؟

إحنا والا الوقت؟

اقدم مافى متع الحياة

النوم..

وقلة الأنتباه

الصمت والصوت

يبقوا شىء واحد

سكت والا نطقت

الكل فى البعد اتنسى صوته

وأنا اللى

للصوت القديم.. اشتقت

ماهوش مرض فيا بحب قديم

فينك ياعبد الحليم؟

فات إيه وأمتى وكام؟

هل لما غنينا الوطن

كنا بنفرش بيه على الرصفان؟

وناكل الساقطة من الأغصان؟

نتجاهل النكسة ورا النكسة

ونندغ التواريخ والأحزان

وشيتم الشاتم..

نقول: ( أحسنت )..

والأمة..

تدخل

دايرة التحريم؟

فينك يا عبد الحليم؟

أنا هنا..

مطرح ما مديت إيد وقلت سلام

فارش..

في ضلة حيطة الأيام

رحلوا الجميع وأنا لسه ماشبعت

أنتظار

مازلت أحلم بالنهار..

وبفجر أجمل الصغار

ولا عدت أفرق وشي عن وشي

أنا يا للي كنت مليح

الناس مشردها وشردني

عويل الريح

في وشي تقرا ملامح الأمة

الضلمة نور

والنور جبال ضلمة

باهتف وأنادي الحق من غير صوت

مهر الفساد..

وسط السكوت مفلوت

أرواحنا متباعة..

بتمن القوت

الفقرا ماتوا والعدو بيحكم

كل الجراح ماتئنن

شوقي القديم بيحن

لحبر غير الحبر

وشعر غير الشعر

وسن غير السن

إيه اللي مشاك وسابني

في الزمن ده ائن

وازاي هربت من البلا اللي يجن

الدنيا من غير ناس

وأنا زي ما بتعرف

بارخي لجامي واخد ع السياس

فينك ياعبد الحليم

من اللى حيصد آهات الأرض

ويبلغ الإحساس؟

من اللى حيغنى جنوب لبنان؟

الكدب مالى الكون

الكدب مالوش لون

الكدب.. بلع الألسنة.. والصوت

أما أنت ياصوت الحروب والسد

شديت شجون الأمة

وتر.. أتشد

وغنوة حزنها جد

مين اللى زرع اللون ده فى الأحزان؟

مين اللى ردم الأمل تحت الهد؟

مين اللى خان (يونس)

فى (خان يونس)؟

سؤال.. عليه..

ماجاوبنى أبدا حد

والشوطة واخدانا رجال وحريم

فينك ياعبد الحليم؟

الأمة حكامها الجداد

يختلفوا عن حكام زمان

بزمان

اللي ماخان

فتح له خان

وورث ابنه الأرض والدكان

و البرلمان و القصر و الجورنان

الأمة بتعاني و بتعاني

الأمة في دروب الأسى

تاهت

آدي المسيح

شايل صليب تاني

أظنه غير دكهه

دهه.. باهت

عن وصفه

عاجزة كل أحزاني

و العدرا

من يوم البكا بتبكي

ولدها مقتول

ع الصليب متكي

كل النسا ياصاحبي في فلسطين

ليها ولاد ماتت

العدرا تبكيهم سوا و تئن

تبكي و تداوي ف صليب الابن

يا أم المسيح

من قعدتك قومي

آدي الصهاينة بيمشوا في دروبي

و قلعوني

و مشيوا بهدومي

و الحزن..

فـ القلب القديم فاحت

و في العراق

الأرض خناقة

الأرض غرقت دم يا ولداه

و مسمينها.. فوضي خلافة

شعب العراق ما عادش بيقول آه

و الدم في بغداد

فقد معناه

و فـ كربلاء..

آدي الشهيد..محمول

كل العراق..

زي الحسين مقتول

و الدنيا فاهمه..

و أنا اللي لسه غشيم

فينك يا عبد الحليم؟

آهو زي ما سبتني

من غير وداع.. و مشيت

صوتك ما عادش

يدق باب البيت

و أنا في الحقيقة..

مش باقول مشتاق

عشان مشتاق

كل الحكاية

في زنقة الأوطان

و ميلة الميزان

لما تخوي حدادي اللوعة

و الغربان..

كنت أنت نافعني

إذا قلت يا فلسطين

أو يا جنوب لبنان

أو.. يا عراق

أو باغني أحلامنا

اللي ضاعوا هباء

و كل يوم أوطان

بيغيبوا في الأجواء

يغيب عنا الصوت

و تفضل الأصداء

و قليلة عـ الكلب

قولة لئيم

فينك يا عبد الحليم؟

فينك يا صاحبي

نشم لحظة نصر

لحظة.. نسيناها زمان

في مصر

ننده..

نوقف فوقنا شمس الحق

و نخفف الحدة ما بين الآه..

و بين اللأ

فينك يا عبد الحليم؟

الفرحة في وشوشنا

و الحزن جوانا

الدم مجاني.. و السكة مجانا

مهما بعد عنا..

بينام علي سرارينا.. ويانا

الدم لاحمر قاني

أتاريه نسبة لـــ ( قانا )

و الضربة غرست في الصميم

فينك يا عبد الحليم؟

كتبت سطرين بس كنت حزين

آدي ورقتي لمين..؟

في زماننا ده - و إحنا عاشرنا الحزن

يا قسمني حزني مين؟

فينك تغني تاني ( موال النهار )؟

يا صاحب رحلة

في طريق الشوك

أنت ما متش

هم شبعوا موت

المسألة.. مش صوت

المسألة هم الجميع يتحضن

تترجم المعاناة.. وطن

المسألة

أمتنا.. في التيه.. تفتكر

و تنتفض.. و تعود

تنفض غبار اليأس

على رمل الحدود

نمر من باب الوجود

نعيش جنود

و نموت جنود

نفضح و نهزم العدو اللئيم

نفس العدو

الندل

القديم

كما فعلنا فــ مصر

لاجل النصر

مش ده اللي خلاك

في الضمير

.. عبد الحليم؟

وفى ديوان إحكى وقول ياورق قال ( المؤلف) الشاعر إبراهيم خليل إبراهيم

ضاع النغم مـ الوتر

والوش جننى

والفن حاله اتعوج

وأنا لسة مستنى

تعالى عيد فننا

يا عندليب غنى

يا مسك أهل النغم

يا كف متحنى

هاجرت طيور الغنا

ما اعرفش راحت فين

كل الأصيل اغترب

وتاهت العناوين

كل اللى فاضل نشاز

قاعد على الصفين

زى الردئ الهزيل

عايم على الميا

أما الأصيل فى النغم

بيدفنوه فى الطين

يا عندليب فننا

شوف الطرب مالُهْ

دحاله أصبح عدم

تعالى شوف حاله

بقى النغم درَبُكهْ

فى كل أحوالُه

والكل غاوى غُنا

فرحان بمواله

والحظ لو يخدمه

يبقى النقيب خالُه

تمشى الأمور والسكك

تِسلك وتحلى له

يا عندليب النغم...

سيرتك خلود فـ خلود

فنك برغم السفر

فوق الجميع موجود

والغصن مهما دبل

يفضل عبيره يجود

والتوبة فيها الشفا

زى الهوى وموعود

الفن فين يا حليم..؟

عمر اللى راح ميعود؟!