خارج الخدمة مؤقتاً

عينيكي ممكن يوقفم

حركة مرور جوة الإشارة

من نظرة ممكن تقتلي .. العسكري

والصول كمان يا ميت خسارة

من نظرة ممكن ينحنيلك الشجر

وينتني من دهشته عامود إشارة

من نظرة ممكن اوسع شوارع البلد

يضيق و يصبح بس حارة

من نظرة ممكن توقفي أي اتصال

في السنترال .. وتقطعي فيه الحرارة

بقولك ايه .. بصيلي انا

بصيلي انا لكن حذاري توقفي

في القلب دمي

مسحت دمعة انا ف طرف كمي

لقيتها واقفة مسلِّمة بكل جدارة

بصيلي انا

راح أنتحر جوة عينيكي

لجل إنقاذ البشر من دي الشرارة