قـلـم مـتـعـضـعـض

شايل منك قلم متعضعض

و كل ما قلبي اتعض بافتكره

يفيض الدمع جوه عيوني من ذكره

و اعيش ساعة

فاتح للحزن ده معرض

و كأني الحزن .. في الدنيا دي محتكره

و اعود تاني

أبيع انا كل أحزاني

و اعيش فرحان .. فرحان و مستغرب

و ليه الحزن طب بادي

ما انا عادي

و انا على نفسي باتصالح

و انا من نفسي باتقرب

و اعود و انا راكب المترو

أشوف اتنين بقى واقفين بيتسامروا

ماجاش الحزن و لا حاجة

ده من جوايا بابتكره ..