الأحد ٢٤ كانون الأول (ديسمبر) ٢٠٢٣ بقلم
رفرف يا حمام
الدم مبدور على الشجر
الدم يصرخ على الحجر
الدم فى أرضك وأرضى
يا عرب الدم عربى
العيال ترضع وتنزف
والطيور فى القبر تعزف
لحن عربى
الجبين المحنى عار
فى شريعة المستجار
وفى شريعة كل عربى
انت عربى؟
الشجاع هاجر تركته
البطل سيفه سلبته
الشهيد انت دبحته
انت عربى؟
يا حمام رفرف
سمع كل الدنيا النايمة
طوف على الكل نادى وعرف
الحر ما تكل عزايمه
اعزف على وتر الاجداد
لحن صمود وإستشهاد
وتاريخ محفور بالامجاد
كاسر قيد الاستعباد
ارسم على ارض فلسطين
دم الشهداء الفدائين
يصرخ فى وشوش العاجزين
وتكسر كل الاصفاد
رفرف يا حمام
بنشيد وانغام
احنا الصامدين والمنتصرين
مبنعرفش الاستسلام
