الأربعاء ٢٦ تموز (يوليو) ٢٠٠٦
بقلم داليا محمد خلف

متر الوطن بكام؟

الى كل عربى مقاوم
هو متر الوطن بكام؟
ف لبنان او فييتنام؟
هو سعره يبقى أغلى
لما يملاه الركام
والقنابل والحطام
والنهاية تبقى جملة
مترددة فوق الحيطان
هو متر الوطن بكام؟
متر بيقسوه بالمازورة
او ب ألتار الدما
بوصة عامرة او مهجورة
تبقى ارواحنا لْها فدا
هو يعنى ليها فرق
تكون ف غرب او ف شرق
ف لبنان او ف العراق
ف فلسطين...وبكرة فين؟؟؟؟
والدموع ماليه العنين
والشعوب عاصبة الإيدين
والسواد مالى الغيام
ويقولولنا بعدها.....
هو متر الوطن بكام...؟
يبقى سعره بكام جريح
كام م الأشلاء تشيلها ريح
كام م الأطفال الدبيح
كام صاروخ ينزل يهد
والآرواح يشيلها حصد
والتحيات بن اليهودى
ع الصاروخ..... يمضى بتراب حدودى
ايه يا عربى يا عدوى من جدودى
هو متر الوطن بكام؟
وتييجى جنبه بنت رابس
تقوللك انت يا عم هيَّص
دى الخريطة حيجددوها
والأسامى يغيروها
والحدود حيرفعوها
والهوية يمسحوها
هو دا الحل الأكيد
للسؤال بن العنيد
لأجل العربى م يستريح
والخريطة هى الإجابة
ع السؤال وع الإعادة
قهوة عادة...يجيبوها سادة
هو متر الوطن يا عربى
بكام من أيام الإبادة
بكام هدية ع الصاروخ ... معاه ِبَّيادَة*
ويضربوك بصاروخ مُـــبَيَّدْه
مع تحيات السيادة
اسرائيل وكونداليزا
حتموت يا عربى بصواريخ
وجزم السعادة
تقدر تقولى بعدها...
هو متر الوطن بكام؟؟
الى كل عربى مقاوم

أي رسالة أو تعليق؟

مراقبة استباقية

هذا المنتدى مراقب استباقياً: لن تظهر مشاركتك إلا بعد التصديق عليها من قبل أحد المدراء.

من أنت؟
مشاركتك

لإنشاء فقرات يكفي ترك سطور فارغة.

الأعلى